He maimai aroha ki  a Tā Paora Reeves
Kua tau te kapua pouri ki runga o Taranaki maunga i te hinganga o Tā Paora Reeves i ngā rangi nei. He tangata tēnei i tino arohatia ai e te tangata – kiri mā mai, kiri parauri mai, kiri kōwhai mai rānei – mo āna mahi huhua ki waenganui i ngā iwi o Aotearoa nei, tatū anō hoki ki ngā iwi o te ao whānui tonu. He tangata i ū ki ngā tohutohu a tōna tipuna a Te Whiti, me ngā kupu hoki o roto i ngā karaipiture, arā, kia āta tau te rangimārie ki waenganui i te tangata. Ko tāna hoki – me kaua noa te tangata e whawhai, me kaua noa te tangata e patu i tetahi atu – engari me aroha te tangata ki te tangata i ngā wā katoa, ā, me āta whakarongo hoki  ki tōna hoa riri. Nā tēnei āhuatanga pea, i eke ai a Tā Paora ki ngā tūranga tiketike rawa o te Hāhi Mihingare me te Kāwanatanga o Aotearoa, ā ka noho ko ia hei kaihohou i te rongo ki waenganui i tēnei mea te hoariri. I whawhai anō hoki ia mo ngā tika o te iwi Māori i whakatakotongia ai rā i roto i Te Tiriti o Waitangi.

Nāreira, hoki atu rā e te rangatira ki tō iwi, arā ki a Te Ātiawa; ki tō hapū, arā ki a Puketapu; me te rārangi mātua-tīpuna e takoto mai rā i te pae o tō maunga a Taranaki. Haere, haere, haere atu rā!

Ngā Pae o te Māramatanga (NPM) joins with the rest of Aotearoa this week in mourning the passing of Sir Paul Reeves. Sir Paul was a long-time associate and invaluable supporter of NPM. This included being Patron of our 2008 Traditional Knowledge Conference. Here is a presentation he gave at that conference, speaking on “Working hard to make stubborn issues peaceful.”